ថ្មីៗនេះគេហទំព័រ micgadget បានឲ្យដឹងថា ទូរស័ព្ទAscend P1 S របស់ក្រុមហ៊ុន Huawei ដែលបានដណ្ដើមយកតំណែងរបស់ iPhone និង Motorola Razr ជាទូរស័ព្ទស្ដើងបំផុតលើលោកនៅក្នុងព្រឹត្តិការណ៍ CES កាលពីខែមុននោះ នឹងត្រៀមដាក់លក់នៅប្រទេសចិននាខែក្រោយនេះហើយ។
ប្រធានក្រុមហ៊ុន Huawei បានថ្លែងថ្មីៗនេះថាក្រុមហ៊ុនមានគោលបំណងចេញលក់ទូរស័ព្ទស្ដើង បំផុតនេះឲ្យបានឆាប់បំផុតតាមដែលអាចធ្វើទៅបាននាចុងខែ មិនាខាងមុខនេះនៅចិនដីគោក តែលោកមិនបានបញ្ជាក់ពីតម្លៃ និងការចេញលក់លើទីផ្សារអន្តរជាតិឡើយ។
Ascend P1 S ដដែលនេះមានលក្ខណៈពិសេសជាច្រើនដូចជា៖
- មានកម្រាស់ត្រឹមតែ ៦,៦៨ម.ម ស្ដើងជាង iPhone 4/4S កម្រាស់ ៩,៣ម.ម និង Motorola Razr កម្រាស់ ៧,១ម.ម
- ភ្ជាប់មកជាមួយប្រព័ន្ធប្រតិបត្តិការ Ice Cream Sandwich (ICS)
- អេក្រង់ទំហំ ៤,៣អ៊ីញ(960×540) ប្រភេទ Super AMOLED
- CPU dual-core ទំហំ 1.5GHz TI OMAP 4460 Cortex A9
- RAM ទំហំ 1GB
- កាមេរ៉ាក្រោយទំហំ 8-megapixel និងកាមេរ៉ាមុខទំហំ 1.3-megapixel ប្រើ dual flash LED និងបច្ចេកវិទ្យា HDR effect optimization
គួរបញ្ជាក់ថា Huawei Ascend P1 S បានជាប់ឈ្មោះក្នុងបញ្ជី smartphone ល្អផ្ដាច់គេទាំង ១០ របស់ PC World នៅក្នុងព្រឹត្តិការណ៍ CES ដែលទើបតែបញ្ចប់ទៅថ្មីៗនេះ៕
